Dankbetuiging van die redaksie en versoeke van die lesers

• Redaksioneel

Briewe aan redaksie stroom in. Baie dankie vir die pragtige en waardevolle briewe wat die redaksie ontvang het. Die Vrouekomitee beplan om 'n spesiale De Camp Courant met net briewe in, uit te gee.

 Lucia van den Berg

• Versoeke

Ons lesers skryf:

• Vertaal-album in Engels ook

Mej Marié Adelaar van Lyttelton skryf: Ek is die dogter van 'n “kampkind” en het nog die album wat my moeder in Oktober 1982 by die saamtrek van die kampkinders van 1900 tot 1902 gekry het.

Dikwels het ek al gewonder of die gedenkalbum nie in Engels vertaal kan word en ook die wêreld ingestuur kan word nie. Dan kan die mensdom weet dat ons Boere-Afrikaners baie gely het.

• Soek gedenkalbum

Mev. AJS Strijdom van Eloffsdal skryf: Ek wil net graag weet of julle asseblief vir my kan sê waar ek die gedenkalbum kan bekom wat in 1982 aan die kampkinders van 1900 tot 1902 gegee is.

My moeder se foto is in die boek.

Haar moeder is by Irene-konsentrasiekamp begrawe. Sy was Anna Sophia Katterina de Beer.

Ek kon nie destyds by wees om een te koop nie.

Ons dank aan die volgende borge vir hul volgehoue ondersteuning om hierdie webwerf aan besoekers te bied.

• ARK Webontwerp