 |
Irene kampkerkhof |
|
Op 11 Oktober 1999 begin die 100-jarige herdenking
van die Tweede Vryheidsoorlog amptelik. Daarom moet ons nóú die
konsentrasiekampkerkhowe in ons omgewings opknap en in stand hou. Van hulle
is so verwaarloos dat 'n mens nie die vrymoedigheid het om dit aan ons eie
mense te wys nie --wat staan nog buitelanders, wat glo in hulle duisende,
juis met die oog op die herdenking, ons land kom besoek. Soos die kerkhowe
tans lyk, kan sulke besoekers met reg wonder of ons hoegenaamd ons verlede
koester. Die kampkerkhowe in ons land dra 'n sterk
emosionele boodskap, veral die groot aantal kindergraffies, en ons mag nie
deur ons versuim om dit in stand te hou die indruk laat dat ons ongeërg
staan teen die onreg wat die Engelse teen ons volk gepleeg het nie. |
