De Camp Courant is 'n gemeenskaplike poging, en lesers word genooi om saam te praat, skryf, bydraes te stuur, en vrae te vra. Talle belangrike projekte is alreeds van stapel gestuur o.a:

• 'n Vrouegedenkboek

Prof. Andries Raath van Bloemfontein, stel 'n unieke hardeblad koffietafelboek saam. Dit handel oor die lot en lyding van vroue en kinders voor, in, en na die konsentrasiekampe, in al vier die provinsies. Pragtig geïllustreer met briewe, foto's en beskrywings. Sien ook ons leesstofblad.

• Stigting van vrouekomitees

Daar word gepoog om vrouekomitees op elke dorp te stig. Hulle sal behulpsaam wees om die herdenking van die Tweede Vryheidsoorlog 'n reuse sukses te maak. Hou ons datumblad dop vir gebeure

• Waar is u?

Die Vrouekomitee probeer kontak maak met vroue op die verskillende dorpe met die oog op die herdenking van die Tweede Vryheidsoorlog. Al was daar nie 'n konsentrasiekamp op u dorp nie, is die plase, en waarskynlik ook die dorp, deur die vyand verwoes, en het die plaas- en dorpsvroue van u omgewing ook baie ontberings moes deurmaak. Skryf asseblief om kontak te maak.

• Herdenkings
• Kampkerkhowe
• Skitterboek oor Kleredrag tydens die Anglo-Boereoorlog 1899-1902

• 'n Replika van die Emily Hobhouse borsspeld.
• Die Vryheidsembleem  en die Vierkleur en OVS-vlag.

As u enige geskiedkundige foto's of foto's van monumente met betrekking tot die konsentrasiekampe of dagboekaantekeninge van kampslagoffers aan die ontwerper van hierdie webwerf wil skenk, sal dit besonder waardeer word.